Bio

Domi – Piano

Scho sit er en chline Bueb isch, liebt de Dominik s’Klavier. Obwohl er Klavierstunde gno het, hetters aber immer bevorzugt, sini eigeni Musig z’spile. Sitt de Kanti komponiert er für Churzfilm und Werbefilm Musig. Sitt em abgschlossne Politik- und BWL-Studium schafft er inere Marketingagentur und nebedbii als freischaffende Fotograf.

Elias – Bass

Während acht Jahr hät de Elias klassische Gitarreunterricht gnoh und mit drizähni hät er ahgfange, selber die elektrisch Gitarre z lerne. Churz spöter hät er ahgfange, mit Tonufnahme umezspiele und so isches zu sim Traum cho, Musigproduzänt z werde. A de ZHdK hät er Tonmeister studiert mit Gitarre als Hauptinstrumänt. Er hät sich s Bass spiele sälber biibracht und profitiert debii vo sinere breite musikalische Erfahrig. Usserdem hät de Elias die neue Singles vom Lucas Martin produziert, ufgnoh und gmischt.

Robin – Schlagzüg

D’Musig het de Robin scho sit sinere Chindheit fasziniert. Mit siebni het er scho ahgfange, im Chinderchor z’singe. Nachdem sich zwüschezitlich sin musikalische Fokus zum Klavier verschobe het, isch er schlussendlich bim Schlagzüg hange blibe. De PH-Student isch i zahlrichi musikalische Projekt involviert. Si gönd vo klassische Musig über Pop bis hi zu Schwiizer Volksmusig.